//
you're reading...
Sérial Si Bedegong

Si Bedegong Karoroncodan

Si Bedegong Karoroncodan
(Ilustrasi: Galura)

Ku: Aan Merdéka Permana

Poé Minggu barudak baradami rék olahraga leumpang ka Citiis, Tarogong

“Gong mekel naon?” ceuk si Atép.

“Mekel sangu wé samisting ..”

“Jeung deungeunna?”

“Ah, kumaha Cép Duki wé deungeunna mah …” tembal Si Bedegong

“Angger manéh mah ngandelkeun Cép Duki … nya? Di Dodo nyelengkeung.

“Sarua ah, manéh gé!” Si Bedegong ngabulileng ambek. “Tapi uing mah ayeuna mekel duit sapuluh rébu da dibéré ku Uwa,” pokna agul.

Isuk-isuk barudak geus saged, karumpul di péngkolan. Ngan geus tabuh dalapan, Cép Duki can aya baé.

“Da maneh lain nyampeur heula Cép Duki …” Si Bededong gegelendeng ka Si Dodo.

“Da ceuk Cep Duki, mangga wé silih antos di péngkolan, cenah, nya? Omong Si Dodo.

Geus satengah salapan, Cép Duki can hol kénéh baé. Barudak geus marojéngja da puguh saban indit-inditan gé Cép Duki mah dipaké andelan da sok sagala dibawa, boh duit boh kadaharan.

Sapuluh menit ti harita, hol Mang Kardi, bujangna di imah Cép Duki.

“Cép Duki mah moal tiasa ngiring, margi mimihna ngadadak teu damang wales,” ceuk Mang Kardi. Leng barudak tingharuleng.

“Éta teu aya amanat nanaon deui, ka abdi sadaya, Mang?” ceuk Si Bedegong.

“Amanat naon, nya?” Muhun Kitu wé moal tiasa ngiring piknik, cenah …”

Sanggeus Mang Kardi indit ngaboséh sapédana, barudak masih kénéh tingharuleng.

“Kumaha atuh ari Cép Duki teu milu mah?” Si Atép ngahuleng.

“Kumaha da uing mah teu mekel duit, nya …” ceuk Si Dodo.

“Sarua uing ge teu mekel duit …” Si Atép ngahuleng.

“Geus wé indit tiluan, maenya bolay, nya?” ceuk SI Dodo.

“Bekelna ti mana?” ceuk Si Atép.

“Pan Si Igong mekel diut sapuluh rébu jaba sangu samisting, nya?”

Si Bedegong jamedud baeud, ngan puraku ari kudu bolay mah. Antukna barudak tulus indit tiluan, laleumpang ka Citiis tapi bari baralem kurang sumanget. Angot basa geus lalapar mah. Masing dalahar ngariung sangu samisting ku tiluan, ditambah loték sabungkus minangka deungeunna. Si Bedegong mah daharna bari baeud da puguh piknik nu ayeuna mah, manéhna karoroncodan kudu méré dahar méré jajan ka baturna.

Sumber: Galura – Edisi Minggu II Juni 2012

Diskusi

Belum ada komentar.

Tinggalkan Balasan

Isikan data di bawah atau klik salah satu ikon untuk log in:

Logo WordPress.com

You are commenting using your WordPress.com account. Logout / Ubah )

Gambar Twitter

You are commenting using your Twitter account. Logout / Ubah )

Foto Facebook

You are commenting using your Facebook account. Logout / Ubah )

Foto Google+

You are commenting using your Google+ account. Logout / Ubah )

Connecting to %s

%d blogger menyukai ini: