//
you're reading...
Sérial Si Bedegong

Si Bedegong Éléh

Si Bedegong Éléh
(Ilustrasi: Galura)

Ku: Aan Merdéka Permana

“GONG, hayu urang tumpangan”

“Teu meunang ku Ema, harom cenah tumpangan mah!” témbal Si Bedegong ka Si Atép.

“Tapi ké heula, tumpangan soal pinal Itali lawan Spayol ieu the? Si Bedegong jiga rada kataji.

“Nya tumpangan naon deui atuh, nya? Maenya tumpangan balap undur-undur mah, nya? Si Dodo nyela omongan.

“Naha aya kitu balap undur-undur?” Si Bedegong méndeléng.

“Nya euweuh matak ngajak tumpangan bola ge! Sok erek moal?” ceuk Si Atép teu sabar.

“Nu éléh mayar naon?”

“Biasa wée kudu ngajajanan bala-bala dua, nya?” SI Dodo anu némbalan mah.

“Wani lah!” témbal Si Bedegong.

“Sok eudeuk pro ka mana?” Spayol atawa Itali?”

“Itali lah!” ceuk SI Bedegong

“Manéh mah ti baréto Itali baé, nya? Cing atuh sakli ieu mah giliran. Uing nu milih Itali mah, nya?” ceuk Si Dodo.

“Naha da uing gé sarua milih Itali?” ceuk Si Atép sembung éléh.

“Teu bisa, sabab uing mah kaos Itali boga, jékét Itali boga, meunang meuli ti Bandung!” ceuk Si Bedegong. Nu duaan ngareluk da mémang boh Si Dodo boh SI Atép teu barogaeun kaos Itali.

“Sok atuh manéh milih Itali, ngan mun éléh, manéh kudu mayar bala-bala, ka uing dua ka Si Dodo dua!” ceuk Si Atép.

“Mun Itali nu meungan?”

“Nya Si Dodo mayar bala-bala dua, uing mayar dua. Jadi manéh boga bala-bala opat!” ceuk Si Atép.

“Hahahaha! Heuheuheuheu! Uing seubeuh bala-bala isukan!” Si Bedegong ngeunah seuri da geus nyipta-nyipta cacamuilan sorangan dahar bala-bala.

Ngan isukna. Basa panggih, Si Bedegong ngeluk tungkul bari inget kudu mangmeulikeun bala-bala saopat-opat sabab Itali dijendol tepika opat ku Spayol.

Bari sedih Si Bedegong ukur neuteup bala-bala haneut nu kudu dibayar kabéh ku manéhna.

“Yeuh atuh méré hiji, karunya euy O” ceuk SI Atép ngasongkeun bala-bala hiji.

“Yeuh atuh uing ge méré hiji, nya?” Si dodo gé ngasongkeun bala-bala hiji. Atuh Si Bedegong bungah sabab menéhna mah dahar bala-bala dua.**

Sumber: Galura – Edisi I Juli 2012

Diskusi

Belum ada komentar.

Tinggalkan Balasan

Isikan data di bawah atau klik salah satu ikon untuk log in:

Logo WordPress.com

You are commenting using your WordPress.com account. Logout / Ubah )

Gambar Twitter

You are commenting using your Twitter account. Logout / Ubah )

Foto Facebook

You are commenting using your Facebook account. Logout / Ubah )

Foto Google+

You are commenting using your Google+ account. Logout / Ubah )

Connecting to %s

%d blogger menyukai ini: