//
you're reading...
Sérial Si Bedegong

Si Bedegong Gering

Si Bedegong Gering
(Ilustrasi: Galura)

Ku: Aan Merdéka Permana

Ku sabab salila peré loba aktipitas, atuh lagu rék asup sakola deui téh Si Bedegong katarajang gering. Ku indungna geuwat dibawa ka puskesmas sabab sapeupeuting nyembrét baé. Malah Si Dodo gé sobatna milu nganteurkeun da rumasa boga dosa papanasan jeung manéhna.

“Naon cenah Ema panyakit Igong téh?” Si Bedegong humarurung.

“Naha teu kadéngé tadi? Tipes cenah” ceuk indingna semu ambek.

“Ema mah kalah ngambek!”

“Da manéh kukulunuan baé. Tengah poé éréng-éréngan maké mapay-mapay émpér toko.”

“Da néangan baju jang lebaran atuh, Ma.”

“Leberan jauh kénéh, puasa gé acan! Naha nya kadedemes pisan?” indungna kutuk-gendeng.

Cenah balik papapanas, Si Bedegong nu can dahar nanaon téh meuli téh botol meunang tilu rintakan, nya gering wé.

“Mahal geuning obatna gé!” indungna ngangluh. Duit ladang hésé capé buburuh nutu paré téh ngaléong meuli ubar.

“Sabenerna mah babari panyakit tipes mah, ku cacing kalung wé!” ceuk indungna ngarita sorangan. Si Bedegong teu ngomentaran, teuing satuju kudu ngadahar cacing teuing teu ngadéngé.

Balik ka imah Si Bedegong ngagojod disimbut kandel. Ongkoh tiris ongkoh bobolotot késang, dahar gé ngadadak parait.

Pasosoré keur hujan ngaririncik, jol Si Dodo jeung Si Atép.

“Tuh sobat-sobat manéh ngaralongok,” ceuk indungna. Ngadéngé aya nu ngalongok, Si Bedegong ngoréjat hudang semu atoh.

“Ngirim naon? Mawa jeruk teu? Mawa anggur teu?”

“Teu jeruk teu anggur, Gong tapi uing mawa barang nu leuwih penting jang kaséhatan manéh,” ceuk Si Atép.

“Naon?”

Si Dodo ngasongkeun kaléng urut mantéga. Ana dibuka téh tutupna tinggoréntél cacing kalung mani utey. Atuh Si Bedegong u-o jiga rék utah.

“Naha ka dieu maké mamawa cacing sakitu lobana?” ceuk indungna Si Bedegong.

“Har, sanés saur Embi nu tipes mah ubarna cacing kalung, nya?” témbal Si Dodo.

“Da lain cacing guluntungan kitu tapi geus jadi puder dina kapsul,” tembal indungna Si Bedegong.**

Sumber: Galura – Edisi II Juli 2012

Diskusi

2 thoughts on “Si Bedegong Gering

  1. Hade kang, tiasa gumujeng yeuh pas maca panuntungan caritana😀

    Posted by kips | September 11, 2012, 7:52 am

Tinggalkan Balasan

Isikan data di bawah atau klik salah satu ikon untuk log in:

Logo WordPress.com

You are commenting using your WordPress.com account. Logout / Ubah )

Gambar Twitter

You are commenting using your Twitter account. Logout / Ubah )

Foto Facebook

You are commenting using your Facebook account. Logout / Ubah )

Foto Google+

You are commenting using your Google+ account. Logout / Ubah )

Connecting to %s

%d blogger menyukai ini: