//
you're reading...
Sérial Si Bedegong

Si Bedegong Dagang Endog

Si Bedegong Dagang Endog
(Ilustrasi: Galura)

Ku: Aan Merdéka Permana

Si Bedegong téh ayeuna mah jadi resep nyéngcéléngan. Nu matak kitu téh sabab ceuk manéhna loba pangabutuh.

“Sakeudeung deui Lebaran, jaba hayang piknik!” pokna.

“Tong ngandelkeun dibéré atuh, Gong,” ceuk indungna.

“Nya ti mana atuih Eman mun teu ngandelkeun paméré Si Uwa?”

“Dugung-dagang atuh!”

“Dagang naon?”

“Ayeuna deukeut ka lebaran loba nu nyieun kueh, atuh mun dagang endog meureun payu’” ceuk indungna

“Enya, nya? Tapi endogna ti mana?”

Ngadéngé kitu indung nyengor. “Nya atuh manéh kudu bisa ngendog”.

“Maenya jelema bisa ngendog?”

“Da manéh mah bodo téh katotoloyoh. Usaha atih. Ngulincer ka saban tatangga anu boga hayam. Ké ku manéh pesenan endogna.”

“Enya, nya!”

Enya wé, isukna SI Bedegong ngulincer ka saban imah tatangga. Sakur nu boga hayam. Ku manéhna ditawaran bisi endogna eudeuk dijual.

“Ieu geus ngukumpul aya kana sapuluhna. Ibi butuh duit, sok atuh beuli?” ceuk Bi Karsih.

“Moal dibeuli,” ceuk Si Bedegong.

“Har, teu puguh manéh mah, Gong?”

“Maksud Igong mah, eudeuk mangjualkeun ka batur. Sok sabarha ti Ibina?”

“Duarebu!”

“Kabéh?”

“Hiji”

“Nya baé”

Endog diwadahan kana kérésék, ku Si Bedegong diangkleung-angkleung.

“Endog! Endog!”

“Geus puguh endog dijingjing-jingjing, haben digeroan!” ceuk Si Atép nu keur maén kaléci sorangan.

Sumber: Galura – Edisi III Juli 2012

Diskusi

Belum ada komentar.

Tinggalkan Balasan

Isikan data di bawah atau klik salah satu ikon untuk log in:

Logo WordPress.com

You are commenting using your WordPress.com account. Logout / Ubah )

Gambar Twitter

You are commenting using your Twitter account. Logout / Ubah )

Foto Facebook

You are commenting using your Facebook account. Logout / Ubah )

Foto Google+

You are commenting using your Google+ account. Logout / Ubah )

Connecting to %s

%d blogger menyukai ini: