//
you're reading...
Sérial Si Bedegong

Si Bedegong Piknik Ka Yogya

Si Bedegong Piknik Ka Yogya
(Ilustrasi: Galura)

Ku: Aan Merdéka Permana

SANGGEUS réngsé ulangan, barudak ngayakeun piknik. Ayeuna mah lain deukeut-deukeut, ka Yogyakarta piknikna ogé. Saur ibu guru, para murid kudu diwanohkeun kana sajarah, ari anu leubeut sajarahna ayana di Jawa Tengah, nya wayahna kudu ka Jawa Tengah. Kitu cenah.

Teu rudet ku waragdna da geus dirarancang ti sataun nu kaliwat, para murid téh nabung salila sataun.

Si Bedegong gé milu piknik da ku uwana dibantuan nabung saban sabulan.

“Cig sing lampar. Nu lampar mah loba kanyaho,” ceuk uwana.

“Bekelna mana?”

“Da manéh mah titah kempal-kempil duit jajan sapopoé, ayeuna sagalana kudu ti Uwa,” ceuk uwana tapi bari sok méré.

Enya wé Si Bedegong piknik ka Yogya. Saban waktu ku uwana teu weléh di-sms, malah indungna milu nelepon.

“Kade tong misahkeun manéh ti rombongan,” ceuk sms uwana mani saban usik.

“Kadé ulah poho dahar!” ceuk indingna, sarua saban usik milu nelepon ka uwana Si Bedegong.

Mémang, sakapeung Si Bedegong susah dahar, sabab nu dagang di émpér nembalanana ku basa Jawa.

“Sabaraha inih, Mas?”

“Telungewu!”

“Naon cenah?” Si Bedegong ngarérét ka Si Dodo.

“Tawar wé, papat boleh, nya? Ceuk Si Dodo.

“Beli papat boléh?”

Tukang dagang endog bungaheun, geuwat mungkus endog opat. Si Bedegong gé atoheun, butuh endog hiji dibéré opat. Meureun pedah aya opatan, Cép Duki, Si Atép, Si Dodo jeung manéehna. Ngan orokaya waktu kudu babayar, boh barudak boh tukang dagang saralah harti.

“Itu telur tigarebu satu, beli empat jadi duabelas ribu,” ceuk jalma gigireun, jigana ngartieun basa Jawa. Atuh barudak arudunan tilurebu sewang.

“Mending pikinik ka Bandung, nya!” ceuk Si Dodo.

“Enya, di dieu mah teu ngalarti basana. Barudak leutik tepika sagegedé SMP-SMA cacaritana téh ku basa Jawa, ari di Bandung mah, budak leutik gé maké basa Indonésia jadi urang gé ngarti,” ceuk Si Atép.***

Sumber: Galura – Edisi III Mei 2012

Diskusi

Belum ada komentar.

Tinggalkan Balasan

Isikan data di bawah atau klik salah satu ikon untuk log in:

Logo WordPress.com

You are commenting using your WordPress.com account. Logout / Ubah )

Gambar Twitter

You are commenting using your Twitter account. Logout / Ubah )

Foto Facebook

You are commenting using your Facebook account. Logout / Ubah )

Foto Google+

You are commenting using your Google+ account. Logout / Ubah )

Connecting to %s

%d blogger menyukai ini: