//
you're reading...
Sérial Si Bedegong

Si Bedegong Teu Dibawa Piknik

Si Bedegong Teu Dibawa Piknik
(Ilustrasi: Galura)

Ku: Aan Merdéka Permana

DEUKEUT ka tungtung taun, loba rombongan piknik. Lolobana muru ka Pangandaran. Ti lembur Si Bedegong ge aya rombongan piknik ka Pangandaran, aya kana dua beusna. Ngan édas, Si Bedegong mah kalah merenyéng. Ari sababna, ku indungna teu meunang milu piknik.

“Meugeus ah, haben wé indit-inditan baé,” ceuk indungna.

“Har, naha iinditan kamana, Ema?” ceuk Si Bedegong.

“Lain minggu kamari manéh ulin botram ka sisi Cimanuk?”

“Euh ! piraning botram disebut piknik !” Si Bedegong gegelendeng.

“Igong téh hayang ngojay di laut, geus lila,” omong Si Bedegong deui.

“Hayang gering manéh, usum hujan kokojayan …”

“Moal da ngojayna rék maké jas hujan atuh Ema.”

“Nyao, ah. Dipayung sakalian!” ceuk indung jamedud nyungkun.

“Atuh Ema Igong hayang piknik!” Si Bedegong merewéng.

“Montong. Pan maneh teh keur batuk.”

“Si Dodo gé keur batuk, jaba lehoan baé, tetep wé dibawa piknik,” ceuk Si Bedegong

“Dibawa ku saha?”

“Nya ku kolotna …”

“Nya heueuh ari kolotna piknik mah. Ari manéeh eudeuk dibawa ku saha da Ema mah teu resep piknik? Tembal indungna.

“Béjana Uwa mah ngiring?”

“Nyao ..”

Si Bedegong geuwat ngadatangan uwana.

“Uwa wartosna ngiring rombongan piknik?”

“Enya,” témbal uwana.

“Resep nya piknik ka Pangandaran, ngojay di laut …”

“Lah geus kolot kieu kokojayan. Barina gé da lain eudeuk piknik uwa mah deuk balanja kécap Pangandaran, deuk dijual deui ka restoran ikan bakar di Garut,” ceuk uwana bari sautik gé teu ujuj-ajak ka Si Bedegong.

“Salila euweuh uwa, manéh tong jarambah. Heug ceuk indung manéh gé manéh téh keur ngéhkéh batuk,” omong uwana. ***

Sumber: Galura – Edisi II Desember 2011

Diskusi

Belum ada komentar.

Tinggalkan Balasan

Isikan data di bawah atau klik salah satu ikon untuk log in:

Logo WordPress.com

You are commenting using your WordPress.com account. Logout / Ubah )

Gambar Twitter

You are commenting using your Twitter account. Logout / Ubah )

Foto Facebook

You are commenting using your Facebook account. Logout / Ubah )

Foto Google+

You are commenting using your Google+ account. Logout / Ubah )

Connecting to %s

%d blogger menyukai ini: