//
you're reading...
Sérial Si Bedegong

Si Bedegong Batuk

Si Bedegong Batuk
(Ilustrasi: Galura)

Ku: Aan Merdéka Permana

Ti sakola diayakeun karya wisata. Para murid sina mikawanoh industri nu aya di Garut. Bapa kepala sakola ngasongkeun pilihan ka para murid.

“Sok barudak, naha rék ngayakeun karya wisata ka pabrik jékét, ka industri batik atawa ka pabrik dodol?”

“Pabrik dodolllll” barudak saur manuk usul. Nu usulna pangbedasna nya Si bedegong.

Aya sabenerna anu milih hayang ngayakeun wisata ka pabrik jékét kulit ataui batik gé. Malah aya anu hayang wisata ka perkebuanan entéh jeung ka peternakan domba. Ngan ku sabab lolobana milih ka pabrik dodol, nya Bapa Kepala Sekolah gé mutuskeun karya wisata ka pabrik dodol.

Atuh dina poé Saptu rombongan murid SD téh ngabring muru salah sahiji pabrik dodol garut. Jang barudak sabenerna mah teu anéh kana rupa jeung rasa dodol garut téh. Tapi ari nyaho kumaha cara nyieunna mah, ampir kabéh teu apaleun.

Mimitina barudak dibéré nyaho soal bahan dasar jang nyieun dodol, ti mimiti jenis tipung anu dipaké, tepikeun ka jenis gula jeung campuran rasa séjénna. Geus kitu, dibéré nyaho kumaha cara ngolahna.

“tah dodol nu masih ngora mah bentukna kieu,” ceuk patugas pabrik nu méré penjelasan.

“Tos tiasa dituang teu ari masih kénéh ngora, Pa?” Si Bedegong nyelengkeung.

“Oh, tiasa,” tembal patugas.

“Ngaraosan, ah …” ceuk Si Bedegong. Petugas nyiuk dodol ngora kana pisin plastik geus kitu Si Bedegong ngasaan bari nganclomkeun curuk. Tilu kali ancloman ngasaanana teh. Atuh bereyek deuih barudak séjénna pipiluen nganclomkeun curuk kana dodol ngora.

Saban ngadatangan ka tempat pangolahan dodol, Si Bedegong saban ngasaan.

“Ari nu tutungna tiasa dituang, Bapa?” cenah da ningali sesemplékan dodol nu rada tutung.

“Ih, tiasa,” ceuk patugas. Atuh am. am, Si Bedegong ngahuap-huapkeun dodol tutung.

Basa balik, barudak dibahanan dodol nu geus berés dikemas, ukuran leutik sagegedé kotak korék api,. Sajajalan Si Bedegong haben wé cacamuilan dahar dodol.

Poé senénna Si Bedegong teu asup sakola da cenah gering. Geringna ku panyakit batuk.***

Sumber: Galura – Edisi III April 2012

Diskusi

Belum ada komentar.

Tinggalkan Balasan

Isikan data di bawah atau klik salah satu ikon untuk log in:

Logo WordPress.com

You are commenting using your WordPress.com account. Logout / Ubah )

Gambar Twitter

You are commenting using your Twitter account. Logout / Ubah )

Foto Facebook

You are commenting using your Facebook account. Logout / Ubah )

Foto Google+

You are commenting using your Google+ account. Logout / Ubah )

Connecting to %s

%d blogger menyukai ini: