//
you're reading...
Sérial Si Bedegong

Si Bedegong Meuli Céngcéléngan

Si Bedegong Meuli Céngcéléngan
(Ilustrasi: Galura)

Ku: Aan Merdéka Permana

ISUK-isuk poé Minggu Si Bedegong ngabring ka Kota Garut jeung batur-baturna. Cenah mah réek meuli céngcéléngan.

“Bisi taun hareup piknik deui ka Jogja, meureun moal susah teuing duit, nya?” ceuk Si Dodo, diarunggeukan ku batur-baturna. Tina budak anu opatan, ukur Cép Duki anu moal meuli céngcéléngan mah. Keur naon maké meuli céngcéléngan da keur manéhna mah, saban ménta bekel keur naon keur naon gé ku kolotna teu weléh dibéré. Ngan minangka solidér ka babaturan, saktu nu séjén rék mareuli céngcéléngan, Cép Duki ogé milu ngaleut.

“Uing mah rék meuli céngcéléngan Semar, ah, beuteungna bureuteu pasti eusina loba,” ceuk Si Atép.

“Uing mah Hayam wé ..” nya?” ceuk Si Dodo.

“Ari Igong badé nggaleuh céngcéléngan naon?” ceuk Cép Duki sabab SI Bedegong can nyaritakeun cita-citana.

“Aya teu céngcéléngan Bima?” pokna.

“Naha maké Bima?” Si Atép nanya.

“Pan Bima mah jangkung gedé pasti eusina leuwih loba batan céngcéléngan séjénna,’ tembal Si Bedegong.

“Ah, uing mah eudeuk meuli céngcéléngan gajah, pasti gedé pisan beuteungna, nya?” ceuk Si Dodo.

“Uing komo eudeuk meuli céngcéléngan dinosaurus, jangkungna ngaluhuran tangkal kalapa,” Si Atép embung eleh.

“Duitna boga teu/’ Si Bedegong morongos ambek.

“..Ih, tong ambek pedah uing rék meuli céngcéléngan pangbadagna?”

“Ah, teu kira-kira wé maké rék meuli céngcéléngan nu jangkungna saluhu tangkal kalapa, moal kaeusian deuleu!” ceuk Si Bedegong.

“Baé, ah!”

Barudak kukurilingan di pasar, tapi naon anu dicita-cita teuh euweuh, samodel céngcéléngan Semar atawa hayam, tétéla geus teu usum, aya gé céngcéléngan modern dijieun tina kaléng digambaran rupa-rupa, ayan di toko gedé deuih. Jeung nu utamana mah harga mani sakitu mahalna.

“Marahal geuning nya?” Si Dodo ngangluh, malah sarua nu séjén gé.

“Lebar ah, mahal mah ….” Ceuk Si Bedegong. Malah ahirna mah duit jang meuli céngcéléngan dibareulikeun kupat tahu.

Sumber: Galura – Edisi IV Mei 2012

Diskusi

Belum ada komentar.

Tinggalkan Balasan

Isikan data di bawah atau klik salah satu ikon untuk log in:

Logo WordPress.com

You are commenting using your WordPress.com account. Logout / Ubah )

Gambar Twitter

You are commenting using your Twitter account. Logout / Ubah )

Foto Facebook

You are commenting using your Facebook account. Logout / Ubah )

Foto Google+

You are commenting using your Google+ account. Logout / Ubah )

Connecting to %s

%d blogger menyukai ini: