//
you're reading...
Sérial Si Bedegong

Si Bedegong Dinu Hajat

Si Bedegong Dinu Hajat
(Ilustrasi: Galura)

Ku: Aan Merdéka Permana

“GONG, Bi Unah manéh rék nyunatan Si Encep, datang kaituh” ceuk indungna.

“Naha ari Ema moal ka ditu?”

“Arék. Tapi Ema mah moal bisa isuk-isuk. Béjakeun we ku manéh, nya.”

Bi Unah téh tatangga baréto, ayeuna imahna geus pindah ka tonggoh.

Si Bedegong mani atoh dititah kanu hajat téh. Geus kacipta, manéhna di ditu bakal capék-rahem.

“Bajuna anu rada alus atuh, Ma…” cenah

Si Bedegong mamaké kaméja batik paméré uwana. Ku sabab hayang pantes, manéhna maksa mamaké dasi.

“Asa rada ningnang kadeuleuna, Gong, euy. Maenya kaméja batik maké dasi? Ceuk indungna.

“Ah, Ema mah sok kuper”

“Naon kuper téh?”

“Kurang pergaulan.”

“Sarua manéh ogé kupir!”

“Naon kupir teh , Ma?” Si Bedegong kerung.

“Kurang pikiran, deuleu. Da ceuk Ema mah angger wé teu pantes, dikaméja batik mamaké dasi mah,” ceuk indungna.

“Ah, nu didasina ogé Igong. Mun Ema embung didasi, nya teu kudu” tembal Si Bedegong.

“Nya teu kudu, da maenya, nu mamaké kabaya mani kudu didasi sagala rupa,” tembal indungna.

Ahirna Si Bedegong maké baju batik tapi bari didadasi. Ka handapna, mamaké satu baskét.

Datang ka nu hajat, Si Bedegong pada ngahiap-hiap.

“Tah, kabeneran SI Igong datang. Geuwat, Gong ka dieu!” ceuk Ma Icih.

Si Bedegong atoh da panyana téh rék dititah dahar.

“Itu bantuan pangakutankeun piring kotor. Tuh geuning mani balatak kitu handapeun korsi,” ceuk Ma Icih tutunjuk.***

Sumber: Galura – Edisi III Maret 2012

Diskusi

Belum ada komentar.

Tinggalkan Balasan

Isikan data di bawah atau klik salah satu ikon untuk log in:

Logo WordPress.com

You are commenting using your WordPress.com account. Logout / Ubah )

Gambar Twitter

You are commenting using your Twitter account. Logout / Ubah )

Foto Facebook

You are commenting using your Facebook account. Logout / Ubah )

Foto Google+

You are commenting using your Google+ account. Logout / Ubah )

Connecting to %s

%d blogger menyukai ini: