//
you're reading...
Sérial Si Bedegong

Si Bedegong Sieun Angin Puyuh

Si Bedegong Sieun Angin Puyuh
(Ilustrasi: Galura)

Ku: Aan Merdéka Permana

MINGGU kamari di Garut aya angin puyuh lilimbungan, ceuk basa kiwari mah putting-beliung cenah. Sawatara pilemburan anu aya di Tarogong Kaler jeung kidul loba anu burakrakan kahéab ku angin puyuh. Kenténg amburadul, sakola runtuh hateupna. Atuh di puseur kota gé loba tangkal galedé runtuh ngahalangan jalan aspal.

Ngadéngé kitu, isukna Si Bedegong merod embung sakola.

“Iy! sieun kabawa ku angin puyuh!” pokna ngabirigidig.

“Lah, tara aya angin puyuh datang ngadukallian,” ceuk indungna.

“Ema mah henteu nyaah ka Igong, sakitu budak hiji-hijina téh !” ceuk Si Bedegong.

“Baheula jaman bapa manéh aya kénéh, kungsi ngudag munding kabawa angin puyuh!” ceuk indungna ngadongéng mangsa lawas.

“Munding kabawa ku angin puyuh, Ema?”

“Enya, kabawa ngapung, teu kapanggih deui ..”

“Beu? Kumaha atuh Bapa?”

“Bapa manéh mah salamet teu kawabwa ngapung da harita téh keur aya di Tasikmalaya. Ngan meunang dua minggu mah kagegeringan, inget ka munding, puguh munding diurus ti leuleutik, ari geus gedé dibadog angin puyuh …” ceuk indungna.

“Tuh, nu matak Igong ayeuna mola sakola, ah …”

“Naon patalina jeung munding?”

“Euh, bisi Igong kabawa ngapung ku angin puyuh, meurteun Ema kagegeringan dua minggu?”

Teu kungsi lila, torojol uwana.

“Tepika isuk kuring deuk nyaba ka Bandung, ngurus dagangan, kadé Si Igong jaga!”

“Uwa, ngiring we atuh abdi ka Bandung?” ceuk Si Bedegong.

“Har, sakola manéh mah!”

“Ah, mending ngiring ka Bandung wé étang-étang ngungsi da di dieu mah sieun angin puyuh!” ceuk Si Bedegong.

“lah manéh mah hayang ulin wé, embung sakola. Teu bisa!” ceuk uwana ngincid balik.***

Sumber: Galura – Edisi I Maret 2012

Diskusi

Belum ada komentar.

Tinggalkan Balasan

Isikan data di bawah atau klik salah satu ikon untuk log in:

Logo WordPress.com

You are commenting using your WordPress.com account. Logout / Ubah )

Gambar Twitter

You are commenting using your Twitter account. Logout / Ubah )

Foto Facebook

You are commenting using your Facebook account. Logout / Ubah )

Foto Google+

You are commenting using your Google+ account. Logout / Ubah )

Connecting to %s

%d blogger menyukai ini: